PORPHYROGENITI seu PORPHYRETICI

PORPHYROGENITI, seu PORPHYRETICI

apud Constantinopolitanos olim dicti sunt, Imperatorum ac Regum liberi, quasi in purpura seu Patre Imperatore vel Rege, nati; quos in Imperio natos, interpretatur Chunradus Urspergensis. Latinis Purpurati. Senator, l. 11. Ep. 1. Placidiam mundi opinione celebratampurpurato filio (Valentiniano) studuisse percipimus. Sic apud Eund. l. 8. Ep. 5. purpuratam infantiam, filium vocat Athalaricus Rex, Quod scil. in parpura nati atque adeo fasciis purpureis inligati ac circum voluti, sic offerri Imperatrici consueverint. Iidem εν ἁλουργίδι τραφέντες dicuntur, apud Libanium in προσφωνητικῷ, quem Iuliano inscripsit, etc. Car. du fresne Glossar. Vide quoque quae diximus paulo supra, ut et infra in phrasi Purpuram adorare.